Объяснение стихир праздника Успения

В преддверии праздника Успения Пресвятой Богородицы мы публикуем текст стихир праздника с параллельным переводом на русский язык, выполненным в начале XX века выдающимся отечественным литургистом Михаилом Скабаллановичем. Надеемся, что это поможет лучшему осознанию значения празднуемого события и того смыла, который вкладывает в него Церковь в своем богослужении. Ведь богослужение, как говорил митрополит Вениамин (Федченков), "является голосом Церкви".

Стихиры на Господи воззвах, глас 1

О ди́вное чýдо: Истóчник Жи́зни во грóбе полага́ется, и лéствица к небеси́ гроб быва́ет: весели́ся, Гефсима́ние, Богорóдичен святы́й дóме. Возопиéм, вéрнии, Гаврии́ла имýще чинонача́льника: Благода́тная, ра́дуйся, с Тобóю Госпóдь, подая́й ми́рови Тобóю вéлию ми́лость. (Трижды)

0 дивное чудо! Источник Жизни кладется во гроб, и могила становится лестницей к небу; веселись, Гефсимания, святой дом Богородицы! воскликнем, верные, с Гавриилом во главе: Благодатная, радуйся, с Тобою Господь (Лк. 1:28), подающий миру чрез Тебя великую милость.

Ди́вны Твоя́ та́йны, Богорóдице, Вы́шняго престóл яви́лася еси́, Влады́чице, и от земли́ к небеси́ преста́вилася еси́ днесь. Сла́ва Твоя́ боголéпная, богоподóбными сия́ющи чудесы́. Дéвы, с Ма́терию Царéвою на высотý вознеси́теся. Благода́тная, ра́дуйся, с Тобóю Госпóдь, подая́й ми́рови Тобóю вéлию ми́лость.(Трижды)

Дивны Твои тайны, Богородица: Ты, Владычица, явилась престолом Всевышнего и сегодня преставилась от земли к небу. Богоподобна слава Твоя, сияющая подобающими Богу чудесами. Девы, вознеситесь на высоту с Матерью Царя. Благодатная, радуйся, с Тобою Господь, подающий миру чрез Тебя великую милость.

Твоé сла́вят успéние вла́сти и престóли, нача́ла и госпóдства, си́лы и херуви́ми, и стра́шнии серафи́ми; ра́дуются земнорóднии, о божéственней Твоéй сла́ве крася́щеся; припада́ют ца́рие со арха́нгелы и а́нгелы и воспева́ют: Благода́тная, ра́дуйся, с Тобóю Госпóдь, подая́й ми́рови Тобóю вéлию ми́лость. (Дважды)

Твое успение славят власти и престолы, начала и господства, силы, херувимы и страшные серафимы; радуются земнородные, красуясь божественною Твоею славою; припадают цари с архангелами и ангелами и воспевают: Благодатная, радуйся, с Тобою Господь, подающий миру чрез Тебя великую милость.

Слава и ныне, глас тойже

Богонача́льным мановéнием отвсю́ду богонóснии апóстоли, óблаки высóце взима́еми, дошéдше пречи́стаго и живонача́льнаго Твоегó тéла, любéзно лобыза́ху; превы́шния же небéсныя си́лы, с свои́м Влады́кою пришéдше, богоприя́тное и пречи́стое тéло предсыла́юще, ýжасом одержи́ми, прекра́сно же предыдя́ху и неви́димо вопия́ху превы́шним чинонача́лием: се Всецари́ца Богоотрокови́ца прии́де; возми́те врата́ и Сию́ преми́рно подыми́те, присносýщнаго Ма́терь Свéта. Тоя́ бо ра́ди всерóдное человéком спасéние бысть, на Ню́же взира́ти не мóжем, и Той достóйную честь возда́ти немóщно; Тоя́ бо преизя́щное прехóдит всяк ум. Тéмже, Пречи́стая Богорóдице, при́сно с живонóсным Царéм и Рождествóм живýщи, моли́ся вы́ну сохрани́ти и спасти́ от вся́каго прилóга проти́внаго нóвыя лю́ди Твоя́; Твоé бо предста́тельство стяжа́хом, во вéки светоявлéнно блажа́ще.

По мановению Богоначалия, отовсюду высоко поднимаемые облаками, богоносные апостолы, прибыв к пречистому и живоначальному телу Твоему с особым чувством лобызали (его); высочайшие же небесные силы, пришедшие со своим Владыкою, провожая принявшее Бога и пречистое тело Твое, объятые ужасом, стройно предшествовали и невидимо восклицали вышним чинам: вот пришла Всецарица Богоотроковица; снимите врата* и премирно примите Ее, эту Мать всегда существующего Света; ибо через посредство Ее произошло спасение людей во всех родах их; на Нее мы не можем взирать, и Ей достойную честь оказать невозможно, ибо превосходство Ее выше всякой мысли. Итак, Пречистая Богородица, всегда живя с живоносиым Царем, и Дитятею Твоим, постоянно молись о сохранении и спасении нового народа Твоего от всякого вражеского нападения; ибо мы приобрели Твое предстательство, веками световидно ублажая (Тебя).

[*) Ср. Пс. 23:7,9. Т.е. для входа Царицы ворота должны быть снесены, как слишком узкие для Ее величия]

Стихиры на литии

Глас 1: Подоба́ше самови́дцем Слóва и слýгам и éже по плóти Ма́тере Егó успéние ви́дети, конéчное ели́ко на Ней та́инство; я́ко да не тóкмо éже от земли́ Спа́сово восхождéние ýзрят, но и Рóждшия Егó преставлéнию свидéтельствуют. Тéмже отвсю́ду божéственною си́лою собра́вшеся, Сиóна достигóша, и на нéбо идýщую предсыла́ху Вы́шшую херуви́м; Ейже и мы с ни́ми покланя́емся, я́ко моля́щейся о душа́х на́ших.

Надлежало очевидцам и слугам Слова (Лк. 1:2) видеть и успение по плоти Матери Его, поскольку (оно было) окончательным таинством над Нею*, так чтобы они не только узрели восхождение Спасителя от земли, но и были свидетелями преставления Родившей Его. Потому-то, собранные отовсюду Божественною силою, они прибыли в Сион и провожали идущую на небо Высшую херувимов. Ей и мы с ними кланяемся как молящейся о душах наших.

[*) Т.е. Апостолы должны были видеть, что успение Богоматери было не обыкновенной смертью, а таинственным преставлением, так же, как чудесно было Ее рождение и многие обстоятельства жизни].

Глас 2: Яже небéс вы́шшая сýщии херуви́м сла́внейшая и всея́ тва́ри честнéйшая, Яже премнóгия ра́ди чистоты́ присносýщнаго Существа́ прия́телище бы́вши, в Сынóвне рýце днесь всесвятýю предаéт дýшу, и с Нéю исполня́ется вся́ческая ра́дость, и нам да́рует вéлию ми́лость.

Будучи высшею небес и славнейшею херувимов, превосходя честью все творение, Ставшая за превосходную чистоту приютом для вечного Существа, сегодня в руки Сына предает всесвятую душу, и с Нею все исполняется радости, а нам дарится великая милость.

Всенепорóчная Невéста и Ма́ти Благоволéния Отча, Яже Бóгу пронаречéнная во Своé Емý жили́ще несли́тнаго соединéния, днесь пречи́стую дýшу Творцý и Бóгу предаéт, ю́же безплóтных си́лы боголéпно подъéмлют, и к животý преставля́ется сýщая Ма́ти Живота́, свеща́ непристýпнаго Свéта, спасéние вéрных и упова́ние душ на́ших.

Всенепорочная Невеста и Мать Благоволения Отца*, предназначенная Богу в жилище неслитного единства Его**, сегодня предает Творцу и Богу пречистую душу, которую богоприлично принимают силы бесплотных, и преставляется к жизни настоящая Мать Жизни, свеча неприступного Света, спасение верных и надежда душ наших.

[*) Мать Того, в Ком настолько благоволение Отца (Мф 3:17; Лк. 2:14), что Он Сам может быть назван «Благоволением Отца»].

[**) Неслитного единства Божеской и человеческой природы во Христе].

Глас 3: Прииди́те, вси концы земни́и, честнóе преставлéние Богома́тере восхва́лим, в рýце бо Сы́на дýшу непорóчную положи́. Тéмже святы́м успéнием Ея́ мир оживотвори́ся, во псалмéх и пéниих и пéснех духóвных со безплóтными и апóстолы пра́зднует свéтло.

Придите, пределы земли, прославим благоговейно чтимое преставление Богоматери, ибо Она отдала в руки Сына непорочную душу; посему святым успением Ее мир оживотворился и светло празднует в псалмах, гимнах и песнях духовных с бесплотными и апостолами.

Слава, глас 5: Прииди́те, празднолю́бных собóр, прииди́те, и лик соста́вим, прииди́те, венча́им пéсньми Цéрковь упокоéнием Ковчéга Бóжия. Днесь бо нéбо простира́ет нéдра, приéмля Рóждшую всéми Невмести́маго; и земля́, Истóчник Жи́зни отдаю́щи благословéние, украша́ется благолéпием. Ангели лик составля́ют со апóстолы, ужа́сно взира́юще от живота́ в живóт преставля́ему Рóждшую Нача́льника жи́зни. Вси поклони́мся Ей моля́щеся: срóдна присвоéния не забýди, Влады́чице, вéрно пра́зднующих всесвятóе Твоé успéние.

Придите, собрание любителей праздников, придите, и составим хор, придите, увенчаем песнями Церковь (по поводу) упокоения Кивота Божия; ибо сегодня небо протягивает объятия, принимая Родившую Невместимогони в чем, и земля, возвращая источник жизни – благословение, украшается благолепием. Ангелы составляют хор с апостолами, с трепетом взирая на Преставляемую из жизни в жизнь, Родившую Начальника жизни. Все поклонимся Ей, молясь: не забудь, Владычица, близкого родства верно празднующих Твое успение.

И ныне, глас той же

Воспóйте, лю́дие, Ма́тери Бóга на́шего, воспóйте: днесь бо всесвéтлую дýшу Свою́ в пречи́стыя дла́ни Иже из Нея́ Воплóщшагося без сéмене предаéт, Егóже и мóлит непреста́нно да́ровати вселéнней мир и вéлию ми́лость.

Воспойте, люди, воспойте Матери Бога нашего, ибо сегодня Она предает всесветлую душу Свою в пречистые ладони Воплотившегося из Нее без семени, Которого и молит непрестанно даровать вселенной мир и великую милость.

Стихиры на стиховне

Глас 4: Прииди́те воспоéм, лю́дие, Пресвя́тую Дéву Чи́стую, из Нея́же неизречéнно прóйде воплóщся Слóво Отчее, зовýще и глагóлюще: благословéнна Ты в жена́х, блажéнно чрéво, вмести́вшее Христа́. Тогó святы́м рука́м дýшу преда́вши, моли́ся, Пречи́стая, спасти́ся душа́м на́шим.

Придите, воспоем, люди, Пресвятую Деву Чистую, из которой неизреченно прошло воплотившееся Слово Отца, (воспоем), восклицая и говоря: благословенна Ты среди женщин; блаженно чрево, вместившее Христа. В Его святые руки предавши душу, молись, Пречистая, о спасении душ наших.

Стих: Воскресни́, Гóсподи, в покóй Твой, Ты и кивóт святы́ни Твоéя.

Встань, Господи, на (место) покоя Твоего, Ты и кивот святыни Твоей (Пс. 131)

Дави́дскую песнь днесь, лю́дие, воспоéм Христý Бóгу: приведýтся, речé, Царю́ дéвы в след Ея́ и и́скренняя Ея́ приведýтся в весéлии и ра́довании. Ибо от сéмене Дави́дова Ея́же ра́ди мы обожи́хомся в рýце Своегó Сы́на и Влады́ки сла́вно и па́че слóва прелага́ется, Юже я́ко Ма́терь Бóжию воспева́юще, вопиéм и глагóлем: спаси́ нас, исповéдающих Тя Богорóдицу, от вся́каго обстоя́ния, и изба́ви от бед дýши на́ша.

Давидову песнь сегодня воспоем, люди, Христу Богу: «приведутся, сказал он, Царю девы вслед за Ней и Ее близкие приведутся в веселии и радости» (Пс. 44:15,16). Ибо Та, которая от семени Давидова, Та, чрез которую мы обожены, преставляется славно и выше слова в руки Своего Сына и Владыки. Воспевая Ее, как Матерь Божию, мы восклицаем и говорим: спаси нас, исповедающих Тебя как Богородицу, от всякой опасности, и избавь от бед души наши.

Стих: Кля́тся Госпóдь Дави́ду и́стиною и не отвéржется ея́.

Клялся Господь Давиду истиною и не отречется от нее (Пс. 131:11)

Всечестнóе Твоé успéние, Пресвята́я Дéво Чи́стая, а́нгел мнóжество на небеси́ и человéческий род на земли́ ублажа́ем, яко Ма́ти была́ еси́ Творца́ всех, Христа́ Бóга. Тогó моля́щи не преста́й о нас, мóлимся, и́же на Тя с Бóгом упова́ние полóжших, Богорóдице Всепéтая и Неискусобра́чная.

Всесвященное успение Твое, Пресвятая Дева Чистая, множество ангелов на небе и человеческий род на земле ублажаем, так как Ты стала Матерью Творца всего, Христа Бога. Его не перестань, просим, умолять за нас, возложивших надежду с Богом на Тебя, Богородица всевоспеваемая и не испытавшая брака.

Слава и ныне, глас той же.

Егда́ изшла́ еси́, Богорóдице Дéво, ко из Тебé Рóждшемуся неизречéнно, бя́ше Иа́ков брат Бóжий и пéрвый священнонача́льник, Петр же честнéйший верхóвник, богослóвов нача́льник, и весь честнéйший апóстольский лик, явлéнным богослóвием песнослóвяще божéственное и стра́шное Христа́ Бóга смотрéния та́инство; и живонача́льное и богоприя́тное Твоé тéло погрéбше, ра́довахуся, Всепéтая. Превы́ше же пресвяты́я и старéйшия а́нгельския си́лы, чудеси́ дивя́щеся, прини́кше друг ко дрýгу глагóлаху: возми́те ва́ша врата́, и восприими́те Рóждшую небеси́ и земли́ Творца́; славословлéньми же воспоéм честнóе и святóе тéло, вмести́вшее на́ми Неви́димаго и Гóспода. Тéмже и мы, па́мять Твою́ пра́зднующе, вопиéм Ти, Препéтая: христиа́нский рог вознеси́, и спаси́ дýши на́ша.

Когда Ты, Богородица Дева, отошла к неизреченно Родившемуся от Тебя, присутствовал Иаков, брат Божий и первый иерарх, а так же Петр - почетнейший глава, начальник богословов - и весь божественный лик апостолов; воспевая яснейшим богословствованием божественное и страшное таинство домостроительства Христа Бога и похоронив Твое живоначальное и принявшее Бога тело, всеми Воспеваемая, они радовались; а свыше пресвятые и старейшие ангельские силы, дивясь чуду, поникнув друг к другу, говорили: поднимите ваши врата и примите Родившую Творца неба и земли, воспоем же славословиями благоговейно чтимое и святое тело, вместившее Невидимого нами и Господа (нашего). Посему и мы, празднуя память Твою, восклицаем Тебе, Превоспеваемая: возвысь силу христиан и спаси души наши.

Стихиры на хвалитех

Глас 4: В сла́вном успéнии Твоéм небеса́ ра́дуются, и а́нгельская возра́довашася вóинства, вся же земля́ весели́тся, песнь Тебé исхóдную провозглаша́ющи, Ма́тери всем Влады́чествующаго, неискусобра́чная Пресвята́я Дéво, Яже род человéческий изба́вльшая прароди́тельнаго осуждéния.

На славное успение Твое небеса радуются, воинства ангелов обрадовались, но (и) земля веселится, возглашая надгробную песнь Тебе, Матери Владычествующего над всем, безбрачная Пресвятая Дева, избавившая человеческий род от прародительского осуждения.

От конéц стекóшася, апóстолов лýчшии, богонача́льным мановéнием, погребсти́ Тя: и от земли́ взéмлему Тя к высотé зря́ще, глас Гаврии́лов ра́достию вопия́ху Тебé: ра́дуйся, носи́ло Божества́ всегó, ра́дуйся, еди́на земна́я с вы́шними рождествóм Твои́м совокýпльшая.	От пределов (земли) собрались важнейшие из апостолов, по богоначальному мановению, на погребение Твое, и, видя Тебя поднимающуюся от земли к высоте, радостно восклицали Тебе словами Гавриила: радуйся, носительница всего Божества; радуйся, одна соединившая рождением Твоим земное с вышним!
Яже Живóт рóждшая, к жи́зни преминýла еси́ честны́м успéнием Твои́м беземéртней, доринося́щим Тя а́нгелом, нача́лом и си́лам, апóстолом, прорóком и всей тва́ри, приéмшу же нетлéнными дла́ньми Сы́ну Твоемý непорóчную дýшу Твою́, Дéво Ма́ти Богоневéсто.	Родившая Жизнь перешла к жизни бессмертной священным успением Своим, причем Тебя окружали с копьями ангелы, начала и силы, апостолы, пророки и все творение, а Сын Твой (Своими) нетленными ладонями принял непорочную Твою душу, Дева-Мать-Богоневеста.
*Слава и ныне, глас 6* На безсмéртное Твоé успéние, Богорóдице Ма́ти Живота́, óблацы апóстолы по воздýху восхища́ху, и по ми́ру разсéянныя во еди́нем ли́це предста́ша пречи́стому Твоемý тéлу, éже и погребсти́ чéстно, глас Тебé Гаврии́лов пою́ще вопия́ху: ра́дуйся, благода́тная Дéво, Ма́ти безневéстная, Госпóдь с Тобóю. С ни́миже, я́ко Сы́на Твоегó и Бóга на́шего, моли́ спасти́ся душа́м на́шим.	На бессмертное Твое успение, Богородица Мать Жизни, облака поднимали на воздух апостолов, и, рассеянные по миру, они в одном лике предстали пред пресвятым Твоим телом, благоговейно похоронив которое, они, воспевая Тебе Гаврииловы слова, восклицали: радуйся, благодатная Дева, Мать безневестная, Господь с Тобою, с ними моли Его, как Сына Твоего и Бога нашего, о спасении душ наших.

27.08.2018